information

Haqqımızda

Smart Electronics 2016-cı ildən fəaliyyətə başlamış, 200-dən çox elektronik məhsulun Azərbaycanda satışını həyata keçirən biznes şirkətidir. Şirkət Azərbaycana müxtəlif növ elektronik məhsulların münasib qiymətlər və razılaşmalı kredit şərtləri ilə gətirilməsini və ölkədə satışını həyata keçirir. Münasib qiymət strategiyası və kreditləşmə şərtləri ilə şirkət, bazarda hədəflənən alıcı kütləsinin diqqətini qısa müddət ərzində cəlb etmiş və məhsulların kütləvi satışına başlanmışdır. Şirkət məhsullarının bazarda reklam olunması, brendin tanıdılması, bazarda təsir dairəsinin genişləndirilməsi və məhsul satışının artırılması yönündə işlərin aparılması üçün hazırlanmış bu strategiya da sektorda mövcud reklam sistemindən fərqli olaraq virtual, sosial-media reklamları ilə yanaşı canlı marketinq və resurs reklamı da özündə əks etdirir. Belə ki, hədəf kütləmiz olan gənclər, yeniyetmələr, universitet tələbələri, yeni biznes layihələr işləyən sahibkarlar və ümumi trend alıcı kütlələrinə öz məhsul və xidmətlərimizi və brendimizi sosial kampaniyalar, video çarxlar, sosial layihələr, startaplara dəstək kampaniyaları, gənclər təşkilatları və universitetlərlə əməkdaşlıqlar, gənclər sektorunda fəaliyyət göstərən qurum və firmalarla ortaq layihələr və korperativ işlər vasitəsilə tanıdacağıq. Bununla yanaşı şirkətin rəsmi saytı olan www.smarttelectronics.az saytı, sosial-media reklamları, ödənişli reklamlar və televiziya proqramlarına sponsor kimi müxtəlif növ marketinq və reklam üsullarından da istifadə edilir. Smart Electronics 2017 - ci ildə ilk filialı olan 28 may filialını, 2019 - cu ildə daha geniş məhsul çeşidi ilə Neftçilər Filialını, 2020-ci ildə ən böyük satış platforması olan Əhmədli filialını, 2021-ci ildə İnşaatçılar filialını, 2022-ci ildə Nizami və Qara Qarayev, 2022-ci il Avqust ayında Hövsan və Oktyabr ayında ilk regional filialı olan Quba,2023 -cü ildə Xırdalan filiallarını müştərilərinə xidmət üçün açmışdır. Hal hazırda Samsung C&T Corporation və Xiaomi şirkətlərinin rəsmi nümayəndəsidir. Bazarda məhsul çeşidini artıraraq Kapital Bank, Azərbaycan Beynəlxalq Bankı, Bank of Baku, Unibank kimi maliyyə qurumları, Azərbaycan Respublikası Rabitə və Yüksək Texnologiyalar Nazirliyi, Azərbaycan Respublikası İqtisadiyyat Nazirliyi yanında Antiinhisar və İstehlak bazarına Nəzarət Dövlət Xidməti və bir sıra dövlət qurumları ilə iki tərəfli layihələr həyata keçirmişdir. LG , ACER , Lenovo, Asus , Hotpoint, Bosch, Demirdöküm, JBL , BASEUS kimi bir çoc tanınmış markanın Azərbaycanda rəsmi satış nöqtəsi kimi bazarda pay sahibi olan Smart Electronics şirkəti tezliklə daha böyük məhsul bazası və regionlar üzrə satış nöqtələrinin artırılması ilə ən yüksək xidmət platforması və elektron ticarət platformasına çevrilməyi planlaşdırır.

"Smart Electronics brendi" 2016- cı ildə Azərbaycan Respublikası Vergilər Nazirliyi tərəfindən 1904060021 eyniləşdirmə nömrəsi ilə qeydiyyata alınmış Smart Telecom MMC yə məxsus biznes brendidir və brendin bütün sahiblik hüququ qorunur.

Şirkətin hüquqi ünvanı : AZ1048, Bakı şəh., Suraxanı ray., T.Şirinov küç., ev 25 mənzil 1

 Missiyamız
  

“SMART TELECOM” MMC olaraq təqdim etdiyimiz xidməti kompleks şəklində ən yüksək səviyyədə göstərməklə müştərinin məmnuniyyətini və etibarını qazanmaq, əməkdaşların və digər maraqlı tərəflərin ehtiyac və gözləntilərini ən üst səviyyədə qarşılamaqla fəaliyyət göstərdiyimiz sahədə cəmiyyətdə sağlam və güvənilən şirkət imicini formalaşdırmaq ən əsas missiyamızdır. Müştərilərimizin istəklərini doğru şəkildə analiz edib mümkün ola biləcək ən optimal təklifi hazırlamaq və müştərilərin məhsul və xidmətlərimizdən maksimum səmərəli istifadəsi ikinci ən böyük missiyamızdır.  Həmçinin, şirkətimizi sistemli bir şəkildə işləyən bir quruma çevirərək insani faktorlardan maksimum kənarda özü-özlüyündə inkişaf edə bilən bir sistem halına gətirmək və ölkə iqtisadiyyatına, sosial-iqtisadi həyata və sosial rifahın inkişafına töhfə vermək, cəmiyyətin texnologiya dövrünə daha sürətlə adaptasiyasına xidmət etmək üçüncü ən əhəmiyyətli missiyamızdır.
Vizyonumuz
       
“SMART TELECOM” MMC olaraq fəaliyyət göstərdiyimiz sahədə ölkə daxilində aparıcı şirkətlər arasında ilk yeri tutmaq, elektronikada istehsal prosesinin əsasını qoymaq və «1 əsrlik şirkət» adını qazanmaqdır.

Dəyərlərimiz

 1. Ədalət düzgünlük      
Fəaliyyət istiqamətlərimizin təməlində ədalət anlayışı durur - başqalarının haqqına girmərik. Rəqabətdə olduğumuz kimi əməkdaşların öz aralarında ədaləti qoruyacağına inanarıq Ədalətli rəqabətin gücünə və bizi mükəmməlliyə aparacağına inanırıq.

 2. Fəaliyyət 
Hər kəsin çəkdiyi əziyyətin qarşılığını mütləq alacağına inanırıq.

 3. Keyfiyyət
Müştərilərimizin ehtiyac və istəklərini müəyyənləşdirərək istədiklərindən daha keyfiyyətli məhsul və xidməti, mümkün olan ən münasib şərtlərlə təqdim etmək təməl hədəfimizdir.

 4. Məsuliyyət
Şirkətimizin öz sahəsində inkişafının ölkəmizin gələcək nəsillərinin texnologiyanı daha rahat əldə etməsi və nəticədə dünya standartlarına inteqrasiyanın təməli olduğunu dərk edir və bunun məsuliyyətini daşıyırıq.

 5. Əxlaq 
Sadəcə peşəkar olanı deyil, həm də gözəl əxlaqa malik insanları işə qəbul edirik, işçilərimizin "öz işinin lideri" olduğuna inanırıq. Peşəkarlığın zamanla qazanılacağına lakin, əxlaqın daxildən gələn bir nemət olduğuna inanırıq

 6. İnam 
İşçilərimizin atdıqları addımlarda onların yanında olur, gördükləri işə çəkdikləri əziyyət nisbətində maddi və mənəvi olaraq onlara dəstək oluruq.

 7. Komanda ruhu
İşçilərimizin fikirlərini açıq və sərbəst ifadə etməyə təşviq edir, düşüncə və fikirlərinə böyük önəm veririk. Həmçinin, işçilərin mehriban iş kollektivi ilə daha yüksək effektivli iş sərgilyəcəyinə inanırıq.

 8. Çeviklik 
Qurumumuzun və işçilərinin dəyişən bazar tələblərinə operativ hazırlanması və cavab verməsini önəmsəyir, bu sahədə onların inkişafına dətsək veririk.

 9. Bərabərlik 
Bütün işçilərimizə və iş münasibətlərində olduğumuz şəxslərə din, dil, irq, milliyyət və sosial statuslarına baxmadan bərabər davranırıq..

 10. Cəmiyyətə faydalı olmaq
Cəmiyyətə faydalı olmaq və çalışdığımız bölgənin əhalisinin etibarını qazanmaq üçün hədsiz dərəcədə səy göstəririk.

 11 Ətraf mühiti qoruma
Hər bir işimizdə ətraf mühiti, təbiəti qorumağa çalışırıq.

 12. Qanunlara riayət
Fəaliyyət göstərdiyimiz ölkənin qayda-qanunlarına tabe oluruq.

 13. Sevgi hörmət 
Əlaqədə olduğumuz şəxs və qurumlarla qarşılıqlı hörmət prinsipləri ilə davranır, bəşəri münasibətləri davamlı inkişaf etdirməyə diqqət edirik.

 14. Gələcəyə baxış 
Atdığımız addımların gələcək nəsillərə işıq tutmasını hədəfləyirik.